Andaina do Camiño de Santiago dende Abadín
O Concello de Abadín organiza unha nova andaina por etapas polo Camiño de Santiago, que permitirá ás persoas participantes completar o percorrido ata a Catedral de Santiago de Compostela.
A actividade desenvolverase entre o 24 de maio e o 5 de xullo de 2026, dividida en sete etapas:
- 24 de maio: Abadín – Vilalba
- 31 de maio: Vilalba – Baamonde
- 7 de xuño: Baamonde – Miraz
- 14 de xuño: Miraz – Sobrado dos Monxes
- 21 de xuño: Sobrado – Arzúa
- 28 de xuño: Arzúa – Monte do Gozo
- 5 de xullo: Monte do Gozo – Santiago de Compostela
Todas as etapas contarán con servizo de transporte en autobús, con saída dende a praza de Abadín ás 8:00 horas e regreso ao remate de cada percorrido.
As persoas interesadas poden formalizar a súa inscrición no Concello de Abadín ou a través do teléfono 982 50 80 21.
Esta iniciativa ofrece unha excelente oportunidade para desfrutar do patrimonio, a natureza e a convivencia ao longo do Camiño de Santiago.