Un ano máis os Reis Magos de Oriente achegáronse ata Abadín para visitar a todos os nenos e nenas. O pasado xoves ás 5 da tarde chegaba a Cabalgata ata o Polideportivo Municipal despois de facer un percorrido por Gontán, incluida unha visita ós maiores do Centro de Día.

Unha vez no Polideportivo, os Reis recibiron ós máis pequenos que aproveitaron os últimos intres para recordarlle as súas peticións ás Súas Maxestades para a noite máis máxica do ano. Despois desta recepción oficial os nenos xogaron cun anticipo de agasallos e disfrutaron con inchables e do chocolate con churros que tiñan preparados. Unha vez finalizada a Cabalgata os nenos e nenas abadinenses retiráronse para as súas casas á espera de que os seus sonos se facesen realidade na mañá seguinte.