Morfoloxicamente, podemos distinguir dúas unidades: a primeira está constituída por un conxunto de elevacións montañosas entre as que destacan a Serra do Xistral (no noroeste) e a Serra de Carba(oeste). Estas elevacións configuran o bordo setentrional da meseta lucense. A segunda unidade morfolóxica constitúena as formas suavemente onduladas da superficie de erosión entre os 400 e 600 metros de altitude, que dan lugar a unha superficie con tendencia á horizontalidade, coa única elevación do Pico de Neda (735 metros) no Cordal de Neda.