As Súas Maxestades de Oriente fixeron, o pasado 5 de xaneiro, a tradicional visita a Abadín para saudar a todos os veciños e veciñas do municipio. Despois dunha longa viaxe, os Reis Magos mostráronse moi contentos pola calurosa acollida que tiveron, especialmente a realizada polos nenos e nenas que se achegaron a saudalos e a facerlles as súas peticións para este ano.

Debido a que a choiva estivo presente gran parte da tarde, os Reis, achegáronse ata o Polideportivo Municipal nun coche antigo que recorrera anteriormente Gontán e Abadín.

Melchor, Gaspar e Baltasar tiveron unha intensa noite de traballo repartindo moitos agasallos a aqueles e aquelas que se portaran ben ó longo do ano pasado.

Coa realización dun Curso de Benestar Animal que rematou o pasado venres, 21 de decembro, conclúen as accións formativas previstas polo Concello de Abadín para o presente ano 2007.

Este curso impartido por experimentados veterinarios, orientado a titulares de explotacións gandeiras e tratantes de gando, provocou unha grande espectación entre un total de 20 alumnos xa que aprenderon cuestións sobre o tratamento ós animais que descoñecían.

Este tratamento ós animais vén especificado nunha normativa legal cuxo incumprimento pode acarrear importantes sancións. Todas as alumnas e alumnos mostraron unha grande satisfación polo aprendido xa que lles será de utilidade na súa actividade profesional.

Coa finalidade de achegar as novas tecnoloxías ós habitantes do municipio, o Concello de Abadín organizou un Curso de Informática e Internet que acaba de clausurar.

O grao de satisfación dos alumnos e as alumnas foi alto debido a que este curso permitiu adquirir coñecementos básicos a aqueles que non posuían ningún e, ó mesmo tempo, permitiu profundizalos a aqueles que xa tiñan un certo dominio.

Despois de 200 horas de curso, eminentemente práctico, rematou o Curso de albanela enmarcado na programación formativa Muller, porque si. Neste curso, dirixido a mulleres, puideron aprender nocións básicas do mundo da albanelería; dende a colocación de lousa, de plaqueta e de azulexo, ata a elaboración de tabiques de ladrillo nas súas diferentes variedades.

É preciso destacar a gran dedicación e saber facer das alumnas que estiveron realizando tarefas prácticas na antiga Cámara Agraria e no campo de fútbol de Abadín.

O extraordinario éxito deste curso débese ós dous docentes profesionais da materia e de orixe abadinense, Julio Iglesias Ramil (Construccións Julio do Barral) e José Luis Otero Vivero. Sen dúbida ningunha, a súa ampla experiencia e paciente carácter foron imprescindibles para os excelentes resultados acadados.

Onte, martes, finalizaron unhas xornadas, organizadas polo Concello de Abadín, sobre receitas de cociña no CEIP Aquilino Iglesia Alvariño de Abadín.

Marcos Domínguez Novo foi o Chef encargado de desvelar algúns segredos da boa cociña e da conservación de alimentos para consumos en datas ulteriores.

Todos os alumnos e alumnas quedaron plenamente satisfeitos de coñecer, un pouco máis de preto, os entresijos do complicado arte culinario. Ainda que, sen dúbida, a clave máis importante da boa comida é o cariño co que se fai.