O pasado venres 23 tivo lugar na antiga Cámara Agraria do Concello de Abadín unha charla informativa, á cal asistiron máis de medio centenar de persoas, na que responsables da Consellería de Medio Rural abordaron diferentes asuntos de interese como o Pago Único, as concentracións parcelarias e outros temas agrícolas-gandeiros.

Os poñentes desta charla informativa foron:

D. Víctor Álvarez Arias. Xefe de Servizo de Infraestruturas Agrarias

D. Víctor Sánchez Robles. Xefe de Gandería

D. Eloi Villada Legaspi. Xefe do FOGGA

Nesta xuntanza tamén se fixo público o Convenio de Colaboración entre a Consellería de Medio Rural e o Concello de Abadín para a tramitación de baixas gandeiras nas dependencias municipais abadinenses. Isto evitará, así, os habituais deprazamentos ás oficinas veterinarias adscritas.

Os Reis Magos de Oriente achegáronse o pasado martes ó municipio para visitar a todos os abadinenses. Despois da tradicional Cabalgata, os máis pequenos puideron realizar as últimas peticións de agasallos para, así, recibilos na mañá seguinte na súa casa.

Despois de que Melchor, Gaspar e Baltasar atenderan no polideportivo municipal a todos os nenos e nenas que os foran visitar, continuou a xornada de lecer con xogos, hinchables e a actuación dun paiaso malabarista que foron a delicia dos alí presentes.

O pasado martes 23 de decembro tivo lugar a inauguración do Telecentro no local parroquial de Corvite. Veciños e veciñas desta parroquia xuntáronse na antiga escola da Fundación Pedro Seijo onde pudieron disfrutar do novo equipamento informático e de conexión a Internet aportados polo Concello de Abadín.

O Concello de Abadín puso en marcha onte un curso sobre a Horticultura do grelo. Desenvolverase ó longo desta semana en horario de tarde-noite e está orientado ós produtores que participan na Expogrelo de Abadín.

Co obxectivo de aumentar o valor engadido do grelo abadinense no mercado o Concello de Abadín está a apostar pola formación dos produtores e a investigación deste produto natural.

Onte iniciaronse as Xornadas de Coopertivismo Agrario organizadas polo Concello de Abadín. A xornada de onte, impartida polo micólogo Antonio Paz, baseouse nun monográfico sobre o mundo das setas, tanto dende o punto de vista da súa comestibilidade como das técnicas de conservación máis apropiadas a cada especie.

A xornada de hoxe centrarase na fiscalidade e a financiación das cooperativas, na normativa de prevención de incendios e na análise da situación do grelo de Abadín e as súas posibilidades dende o punto de vista do cooperativismo.