|
Thursday, 12 June 2008 |
Hoxe tivo lugar na antiga Cámara Agraria de Abadín unha charla informativa organizada polo Concello de Abadín sobre as axudas a Proxectos Dinamizadores que a Axencia Galega de Desenvolvemento Rural (AGADER) porá a disposición para as Áreas Rurais de Galicia en breves datas.
A charla foi impartida pola Xefa de Área da Oficina Comarcal de Extensión Agraria de Vilalba. Esta exposición permitiu dar a coñecer en profundidade os aspectos teóricos clave desta subvención así coma as contías máximas de axuda.
|
|
Monday, 09 June 2008 |
|
 Dende o pasado martes, 3 de xuño, ata o venres día 6, a Asociación de Nais e Pais de Abadín (ANPA) estivo convocando diariamente cortes de tráfico na estrada N-634 ó seu paso polo municipio.
Estes cortes realizáronse dende as 11:00 h. ata as 12:30 h. diante da Casa do Concello; pais e nais, nenos/as, veciños/as, empresarios/as, empregados/as municipais e o goberno local uníronse para rexeitar enérxicamente a decisión de Educación de suprimir o primeiro ciclo da ESO de Abadín.
|
|
Friday, 06 June 2008 |
|
 O Centro de Día de Abadín xa forma parte da Rede Galega de Centros de Día. O pasado 4 de xuño celebrouse en Santiago de Compostela unha xuntanza na que o Vicepresidente da Xunta de Galicia, Anxo Quintana, asinou co Concello de Abadín o convenio que motiva tal efecto.
Nesa mesma xuntanza outros concellos tamén asinaron os seus respectivos convenios para adherirse a esta Rede.
|
|
Monday, 26 May 2008 |
|
 Nunha xuntanza celebrada o pasado 23 de maio en Lugo elixíronse os órganos de goberno da Asociación Impulsora do Pacto que rexirá o Pacto Territorial polo Emprego de Lugo.
O Concello de Abadín, representado polo alcalde, José María López Rancaño, formará parte dos órganos de xestión e decisión de dito Pacto.
|
|
Wednesday, 23 April 2008 |
|
 Hoxe tivo lugar, no Salón de Plenos do Concello de Abadín, o acto de entrega dos diplomas homologados do programa formativo promovido pola Consellería de Traballo “Muller porque si” e organizado polo Concello de Abadín.
En dito evento tamén se lles comunicou ás antigas alumnas a posibilidade de volver a participar noutra nova edición para o presente ano 2008.
|
|
|
Friday, 18 April 2008 |
|
 Medio centenar de antigas alumnas e alumnos de diferentes cursos de Benestar Animal realizados en Abadín reencontráronse na noite de onte nun acto organizado polo Concello de Abadín na antiga Cámara Agraria municipal.
O obxectivo de dito acto foi a entrega dos diplomas homologados pola Administración que acreditan os seus coñecementos no transporte e manexo de animais que obriga a actual normativa vixente.
|
|
|
Thursday, 17 April 2008 |
|
 O pasado martes, 15 de abril, ás 17:00 horas, reuníronse os pais e nais de alumnos/as do C.E.I.P. de Abadín “Aquilino Iglesia Alvariño” xunto coa Asociación de Pais de Alumnos (A.P.A.) e representantes do Concello de Abadín.
Nesta xuntanza tratouse o anuncio da Consellería de Educación e Ordenación Universitaria da non continuidade, para o vindeiro curso 2008-2009, do primeiro ciclo da E.S.O., ademais de analizar a situación actual e as posibles alternativas.
CONCLUSIÓNS E POSTURA ADOPTADA POLOS ALÍ REUNIDOS:
-
Rexeitar, por unanimidade, a decisión adoptada pola Consellería de Educación e Ordenación Universitaria de interromper a docencia do primeiro ciclo da E.S.O. para o vindeiro curso 2008-2009 en Abadín.
-
-
Adoptaranse as medidas pertinentes para que se reconsidere esta decisión.
|
|
|
Friday, 07 March 2008 |
|
 Hoxe, venres 7 de marzo, remata un Curso de elaboración de conservas que estivo organizado polo Concello de Abadín. Un total de trece alumnas asistiron a este curso que se iniciou o pasado 25 de febreiro e tivo unha duración total de 30 horas, en horario de tarde-noite.
A docencia foi eminentemente práctica e fundamentouse na preparación, conservación e envasado de mermeladas, licores e salsas de orixe vexetal.
|
|
|
Monday, 25 February 2008 |
|
 Unha nova edición sobre o benestar animal vén de rematar en Abadín. O curso estivo organizado polo Concello de Abadín e desenvolveuse entre o 11 e o 22 de febreiro na Antiga Cámara Agraria municipal.
Este curso, moi demandado por veciños e veciñas do municipio, tivo unha duración de 30 horas e estivo impartida por experimentados veterinarios que desenvolveron con amplitude a normativa que existe ó respecto.
|
|
|
Friday, 22 February 2008 |
|
 Onte, xoves, tivo lugar na Antiga Cámara Agraria de Abadín unha charla sobre a Política Agraria Comunitaria (PAC). A charla foi impartida por un membro da Oficina de Extensión Agraria de Vilalba.
Cunha importante asistencia de público o evento tivo unha duración de 2 horas, veciños e veciñas de Abadín puideron ter unha reposta a diferentes aspectos desta Política sobre a súa importancia no presente e as influencias para o futuro.
|
|
|
|
<< Inicio < Ant. 1 2 3 4 5 6 7 8 9 Seg. > Fin >>
|
| Resultados 57 - 70 de 115 |
