|
Monday, 01 March 2010 |
|
 O Concello de Abadín, despois de competir con outros 400 concellos de España, foi escollido para poñer en marcha a segunda fase do Proxecto 060, un servizo que pretende axudar ós cidadáns a familiarizarse co uso do DNI electrónico e a realización de trámites e xestións coas distintas administracións públicas a través das oficinas, o teléfono e a web de 060, portal da Administración Xeral do Estado.
No ámbito galego soamente un total de 13 concellos, entre os que está Abadín, foron seleccionados para poñer en marcha este achegamento de servizos telémáticos á poboación. Co gallo de levalo a cabo vanse impartir unha serie de talleres co seguinte itinerario:
Días: Martes 2 de marzo ás 20:00 h
Xoves 4 de marzo: 11:00 h e ás 20:00 h
Lugar: antiga cámara agraria de Abadín
A asistencia a estes talleres están orientados a todos os públicos e dun xeito totalmente gratuito xa que este proxecto está financiado polo Ministerio da Presidencia e promovido polo Ministerio de Industria, Turismo e Comercio e Red.es.
|
|
Wednesday, 24 February 2010 |
|
 O pasado 20 de febreiro celebrouse unha nova edición da feira do grelo de Abadín. A pesar das inclemencias metereolóxicas acaecidas ó longo do inverno, que afectou á cantidade de produción desta hortaliza, puidose desenvolver unha feira monográfica onde primou a excelente calidade do produto e a súa boa venda.
A presenza do Conselleiro de Medio Rural, D. Samuel Juárez Casado, a presenza do Presidente do Consello Regulador da Indicación Xeográfica Protexida (IXP) Grelos de Galicia, D. Jose Luis Dadín Rivadas, xunto con outras autoridades invitadas foron testigos da primeira feira do grelo en Galicia co etiquetado do recoñecemento da súa calidade a nivel europeo.
|
|
Monday, 22 February 2010 |
|
 Na tarde do domingo 14 de febreiro celebrouse no polideportivo municipal de Abadín o tradicional desfile de entroido. O inxenio e a creatividade foron as cualidades máis utilizadas para o deseño dos disfraces que asistiron a este desfile onde o nivel é, cada vez, máis alto.
Mentras que o público e os participantes esperaban á entrega de premios nas diferentes categorías o chocolate quente con churros foi unha vez máis o encargado de endulzar unha tarde marcada pola diversión e o entretenemento.
|
|
Friday, 29 January 2010 |
|
|
|
Friday, 22 January 2010 |
|
|
|
Thursday, 07 January 2010 |
|
 Un ano máis os Reis Magos de Oriente achegaronse ó concello de Abadín para repartir ilusión entre os seus veciños. A tradicional Cabalgata, que iniciou o seu percorrido en Gontán, realizou unha parada no Centro de Día de Abadín para visitar ós nosos maiores, posteriormente concluiría o seu traxecto no polideportivo municipal. As súas maxestades desplazáronse en coches clásicos mentres ían escoltados por paxes montados a cabalo.
Unha vez no polideportivo recibiron a todos os nenos para atender as últimas peticións de agasallos. Como broche final de Cabalgata os nenos puideron disfrutar de xogos inchables e dun chocolate con churros que lles axudou a sobrepoñerse dun serán tan intenso.
Finalizada a Cabalgata os Reis dispuxéronse a depositar os agasallos en todas as casas de Abadín levando a ledicia a todos os fogares.
|
|
|
Tuesday, 22 December 2009 |
|
 As festas do Nadal xa comezaron no Punto de Atención á Infancia (PAI). Con motivo destas datas tan sinaladas o Concello de Abadín organizou unha celebración para os nenos e as nenas que acuden ó longo do ano ó PAI abadinense.
Con este evento inicianse unhas festas onde os máis xóvenes do concello son uns dos principais protagonistas.
|
|
|
Monday, 09 November 2009 |
|
 Un ano máis celebrouse a bicentenaria Feira de Santos no recinto feiral de Gontán. Milleiros de persoas procedentes de toda a comarca e do resto de Galicia achegáronse ata a feira a pesares das condicións metereolóxicas.
Ás 14:00 h. procedeuse á entrega de premios ós mellores exemplares equinos e bovinos nas diferentes categorías onde destacou o gran nivel dos animais participantes. Ás 22:00 h. tivo lugar a actuación dun grupo musical que puso o broche final á xornada ata o vindeiro ano.
|
|
|
Friday, 16 October 2009 |
|
|
|
Thursday, 08 October 2009 |
|
 Un ano máis o Concello de Abadín e a Misión Biológica de Galicia, pertencente ó Consello Superior de Investigacións Científicas (CSIC), seguen a traballar en conxunto para investigar as diferentes cualidades e propiedades do grelo en Abadín. A finalidade desta I+D é analizar o seu ciclo biolóxico de cara a unha futura producción polo xunto e estable ó longo do ano. A evolución das sementes, que veñen de ser plantadas, permitirán sacar conclusións sobre a importancia dos compoñentes do terreo e da climatoloxía á que están expostas.
Unha vez que o grelo plantado neste campo experimental acade unha madurez poderanse sacar as conclusións máis relevantes.
|
|
|
|
<< Inicio < Ant. 1 2 3 4 5 6 7 8 9 Seg. > Fin >>
|
| Resultados 15 - 28 de 115 |
