O bo tempo do pasado sábado foi o preludio dun éxito da celebración desta edición da Feira de Santos. Milleiros de persoas achegáronse ata praza da feira de Gontán para disfrutar dunha xornada de Santos cunha tradición bicentenaria.

Os mellores exemplares equinos e bovinos da Feira foron seleccionados por un xurado de veterinarios para galardoar cun premio en metálico ós seus donos por coidar da súa cabana gandeira.

Para rematar a xornada celebrouse a actuación dunha orquesta que puxo o broche final a un día onde se fusionan perfectamente a tradición, a cultura e as transaccións económicas.

Abadín foi o lugar elexido, este mediodía, para asinar os convenios correspondentes ao Programa Piloto de Desenvolvemento Rural Sostible (PDRS) en materia de infraestruturas entre a Consellería de Medio Rural e doce concellos pertencentes ás comarcas lucenses da Terra Chá e Meira.

A mesa de sinaturas estivo presidida polo conselleiro de Medio Rural, D. Samuel Juárez, o director xeral de Desenvolvemento Rural, D. Antonio Crespo, o xefe territorial de Medio Rural, D. Ramón Carballo e o alcalde de Abadín, D. José María López Rancaño. Os concellos que participaron no evento de hoxe foron: Abadín, Begonte, Castro de Rei, Cospeito, Guitiriz, Muras, A Pastoriza, Xermade, Meira, Pol, Ribeira de Piquín e Riotorto.

O pasado sábado ás 11:00 h. tivo lugar en Abadín a inauguración e apertura de dous tramos da autovía A-8 (Abadín-Castromaior-Touzas). O acto inaugural de descubrimento da placa informativa foi protagonizado polo ministro de Fomento, D. José Blanco e polo alcalde de Abadín, D. Jose María López Rancaño.

Previo a este acto, o propio ministro e o conselleiro de Medio Ambiente, Territorio e Infraestruturas, D. Agustin Hernández, fixeron unha valoración da importancia de continuar investindo en infraestruturas como parte fundamental para o desenvolvemento económico do territorio. A esta inauguración acudiron en calidade de invitados outras autoridades como o delegado do Goberno en Galicia, o subdelegado do Goberno en Lugo, o presidente da Diputación de Lugo, a presidenta do Inludes, o alcalde de Lugo, alcaldes e outros representantes de municipios próximos a Abadín.

O Concello de Abadín organizou o pasado sábado unha completa xornada de ocio na área recreativa de Gontán. O día comezou ás 13:30 h. coa popular sardiñada anual que reuniu, baixo unha gran carpa, a numerosos abadinenses que aproveitaron un día plenamente veraniego. Ao mesmo tempo que degustaban a e charlaban puideron disfrutar dunha actuación de maxia ao ritmo de música que foi do agrado dos comensais. Despois da comida que se alargou ata ben avanzada a tarde tería lugar ás 22:30 h. un espectáculo de luces e lume levada a cabo por David Fernández Rivera.

O broche final tería lugar ás 23:45 h. cunha brillante actuación da cantante Lucía Pérez e a maxistral actuación do célebre dúo Cómplices. A música, as voces e o son ofrecidas por estes artistas foron dunha calidade suprema que foi recoñecida polos veciños e veciñas de Abadín.