Unha veintena de persoas asistiron á charla sobre a Lei de Dependencia que se celebrou hoxe ás 5 da tarde no antigo local de Caixa Galicia de Gontán. A finalidade desta charla foi dar a coñecer a nova normativa que ten como beneficiarias as persoas dependentes.

A ponencia levouna a cabo a socióloga Trini Lorenzo que é membra do grupo de Investigación en Xerontoloxía da Universidade da Coruña.

Esta actividade informativa foi organizada polo Punto de Información á Muller (PIM) do Concello de Abadín.

A pasada tarde do xoves 28 de xuño tivo lugar unha exhibición de patinaxe artístico no Pavillón Municipal de Abadín. Os protagonistas foron nenas e nenos do municipio que demostraron as súas habilidades sobre patíns.

Realizaron variadas coreografías que estaban acompañadas de diferentes estilos musicais que foron do agrado do público asistente.

Ó finalizar este evento artístico, protagonistas e público, recuperaron forzas cunha merenda de chocolate con churros.

Hoxe ás 13:00 h. inaugurouse oficialmente, en Gontán, o Albergue de Pereginos que ofrecerá un completo servizo ás peregrinas e peregrinos que realicen o Camiño Norte de Santiago e decidan facer unha parada no concello.

Deste xeito, o Concello de Abadín mostra o seu grande interese por ofrecer un bo servizo a aqueles que veñan coñecer o concello e o seu entorno.

O acto foi protagonizado polo Conselleiro de Innovación e Industria, Fernando Blanco, o director xerente da Sociedade Anónima de Xestión do Plan Xacobeo, Ignacio Rodríguez, e o alcalde do Concello de Abadín, José María López Rancaño. Ó mesmo tamén acudiron membros da Corporación Municipal, veciñas e veciños do concello. 

O pasado 29 de maio o Concello organizou en colaboración coa Conselleria do Medio Rural unha charla informativa sobre a nova Lei de prevención de incendios forestais e distancias de prantacións.