|
Tuesday, 24 August 2010 |
|
 O Concello de Abadín organizou o pasado sábado unha completa xornada de ocio na área recreativa de Gontán. O día comezou ás 13:30 h. coa popular sardiñada anual que reuniu, baixo unha gran carpa, a numerosos abadinenses que aproveitaron un día plenamente veraniego. Ao mesmo tempo que degustaban a e charlaban puideron disfrutar dunha actuación de maxia ao ritmo de música que foi do agrado dos comensais. Despois da comida que se alargou ata ben avanzada a tarde tería lugar ás 22:30 h. un espectáculo de luces e lume levada a cabo por David Fernández Rivera.
  O broche final tería lugar ás 23:45 h. cunha brillante actuación da cantante Lucía Pérez e a maxistral actuación do célebre dúo Cómplices. A música, as voces e o son ofrecidas por estes artistas foron dunha calidade suprema que foi recoñecida polos veciños e veciñas de Abadín.
|
|
Friday, 13 August 2010 |
|
|
Friday, 06 August 2010 |
|
 Nesta última semana pasaron por Abadín miles de xovenes peregrinos, principalmente de Madrid e de Castela a Mancha, que se dirixían á Peregrinación e Encontro de Xóvenes en Santiago de Compostela, máis coñecida como PEJ 2010.
Estes peregrinos, que pernoctaron en instalacións cedidas polo Concello de Abadín, tiveron ocasión de compartir cos abadinenses uns seráns propios do verán.
|
|
Monday, 26 July 2010 |
|
 Onte disputouse a novena edición de baixada de carrilanas organizada pola Asociación de Baixada de Carrilanas A Corda e o Concello de Abadín. Máis dunha treintena de carrilanas, con pilotos e copilotos procedentes de Galicia e Asturias, participaron nesta proba puntuable para o Campionato Galego. As diferencias en percorrer o trazado houbo que medilas en milisegundos grazas ás fotocélulas instaladas para tal ocasión, o que da conta do gran nivel de competición existente.
Unha vez rematada a carreira procedeuse á entrega de premios aos máis veloces e orixinais, acto que se celebrou na praza do concello.
|
|
Tuesday, 20 July 2010 |
|
|
|
|
Wednesday, 07 July 2010 |
|
 O pasado venres finalizou o segundo curso programado sobre Redes Sociais, principalmente Facebook, organizado polo Concello de Abadín. Os alumnos e alumnas deste curso puideron tomar contacto con esta nova forma de relación social a través de Internet. As claves do funcionamento destas Redes, así como as súas ventaxas e os seus inconvintes, foron os principais aspectos abordados.
|
|
|
Thursday, 01 July 2010 |
|
 O Concello de Abadín vén de rematar unha Campaña de renovación de DNI para todos os veciños que quixesen realizala. Máis dun centenar de abadinenses foron os beneficiados desta Campaña que aproveitaron para renovar o seu DNI que estaba a piques de caducar, que estaba xa caducado ou ben polo mero feito de posuir o novo DNI en formato electrónico.
Despois dun período de inscrición no consistorio municipal o Concello de Abadín procedeu a acordar as datas de renovación nas dependencias do Corpo Nacional de Policía pertencentes ó Ministerio do Interior en Lugo. As datas seleccionadas foron o 22, o 25 e o 29 de xuño en horario de mañá. Os veciños acudiron á renovación nas datas anteriormente mencionadas en autobuses sufragados polo Concello; unha vez en Lugo, os veciños foron atendidos con moita amabilidade polos funcionarios da Policía Nacional.
|
|
|
Thursday, 24 June 2010 |
|
 O pasado fin de semana celebrouse en Abadín un torneo de fútbol sala organizado polo equipo Pub Oasis que está composto por mozos abadinenses e contou co apoio do Concello e outros colaboradores. Un total de 14 equipos pertencentes a concellos limítrofes participaron nesta interesante e disputada competición.
A clasificación foi a seguinte:
1º clasificado: Abastecimentos Eugenia López (Mondoñedo)
2º clasificado: Vilalba Fútbol Sala (Vilalba)
3º clasificado: Fai Pixo Boi (Begonte)
Mellor equipo local: Pub Oasis
Máximo goleador: Álex Pardeiro (Abastecimentos Eugenia López)
O Concello de Abadín agradeceu a implicación dos compoñentes do Pub Oasis por promover con éxito a práctica do deporte no municipio.
|
|
|
Monday, 21 June 2010 |
|
 O Concello de Abadín foi o organizador para o presente ano dos Xogos anuais da Mancomunidade de Municipios da Terra Chá. Centos de nenos e nenas pertencentes ós concellos de Abadín, A Pastoriza, Castro de Rei, Cospeito e Outeiro de Rei acudiron ás instalacións deportivas abadinenses para participar en diferentes disciplinas deportivas.
O baloncesto 3x3, o xadrez, a patinaxe e o fútbol sala foron o eixo destas xornadas. Os rapaces e rapazas tamén puideron participar noutras actividades de ocio como inchables, actividades multiaventura e dunha festa da espuma. Estes xogos foron un éxito de participación onde a diversión e o deporte foron os principais protagonistas.
|
|
|
Tuesday, 15 June 2010 |
|
.jpg "1276798344_Xogos Mancomunidade da Terra Cha (1).jpg")
|
|
|
|
<< Inicio < Ant. 1 2 3 4 5 6 7 8 9 Seg. > Fin >>
|
| Resultados 1 - 14 de 115 |
